INNER MONGOLIA NORMAL UNIVERSITY
Өвөр Монголын Багшийн Их Сургууль (Inner Mongolia Normal University) нь БНХАУ-ын Өвөр Монголын Өөрөө Засах Орны төв Хөххотод байрладаг, тус бүс нутгийн боловсрол, багш сурган хүмүүжүүлэх салбарын хамгийн ууган дээд сургуулиудын нэг юм.
Сургалт, судалгааны чиглэлийн хувьд багш сурган хүмүүжүүлэх ухаан болон үндэстний онцлогтой боловсролыг хослуулснаараа асар том онцлогтой. Монгол, хятад хоёр хэлээр мэргэжилтэн бэлтгэх, үндэстний цөөнхийн соёл, хэл, боловсролыг дэмжихэд онцгой анхаардаг. Мөн монгол судлал, заах арга зүй, байгалийн ухаан, урлаг дизайн, биеийн тамирын чиглэлээр олон хүрээлэн, лабораториудтай үйл ажиллагаа явуулдаг. Сургууль нь Хөххот дахь орчин үеийн иж бүрэн тохижилттой кампусуудтай бөгөөд баялаг номын фонд бүхий номын сан, судалгааны төвүүдээрээ оюутнуудад суралцах таатай орчныг бүрдүүлсэн байдаг.
Read More
INNER MONGOLIA UNIVERSITY
Өвөр Монголын Их Сургууль (Inner Mongolia University) нь БНХАУ-ын Өвөр Монголын Өөрөө Засах Орны төв Хөххотод байрладаг, тус бүс нутгийн хамгийн анхны бөгөөд хамгийн нэр хүндтэй иж бүрэн бүтэцтэй топ их сургууль юм.Тус сургууль нь 1957 онд БНХАУ-ын Төрийн зөвлөлийн орлогч сайд байсан Улаанхүүгийн санаачилгаар үүсгэн байгуулагдсан түүхтэй. Анх байгуулагдахдаа Бээжингийн их сургууль зэрэг Хятадын тэргүүлэх сургуулиудын шилдэг эрдэмтэн, багш нарыг урьж авчран сургалтын бааз сууриа тавьж байжээ. Энэ утгаараа Өвөр Монголын Их Сургууль нь тус бүс нутагт орчин үеийн дээд боловсрол, шинжлэх ухааны салбар хөгжихөд хамгийн том суурь нь болж өгсөн түүхтэй юм.
Сургалт болон судалгааны чиглэлийн хувьд энэ сургууль нь дэлхийд ганцхан гэж хэлж болох маш өвөрмөц онцлогтой. Энэ нь монгол судлал, монгол хэл бичиг, түүх, соёл болон үндэсний цөөнхийн уламжлалт өвийг хамгаалах, судлах чиглэлээр дэлхийн хамгийн гол төвүүдийн нэгд тооцогддог явдал юм. Сургуулийн Монгол Судлалын Хүрээлэн нь олон улсад маш өндөр нэр хүндтэй. Үүнээс гадна байгалийн ухааны салбарт, ялангуяа Экологи, Биологи, Математик болон Материал судлалын чиглэлээр маш хүчтэй судалгаанууд хийгддэг бөгөөд эдгээр тэнхимүүд нь Хятад улсдаа тэргүүлэх зэрэглэлд багтдаг.
Хотхон болон байршлын хувьд Өвөр Монголын Их Сургууль нь Хөххотод хэд хэдэн кампустай бөгөөд гол хотхонууд нь орчин үеийн дэд бүтэц, уламжлалт монгол үндэсний хэв шинжийг агуулсан барилга архитектурыг хослуулснаараа онцлог юм. Сургуулийн номын сан нь монгол, төвөд болон бусад дорнын хэл дээрх ховор гар бичмэл, судар номын асар том цуглуулгаараа алдартай. Монгол Улсаас олон зуун залуус тус сургуульд бакалавр, магистр, докторын зэргээр хятад хэл, олон улсын худалдаа, инженерчлэл болон хүмүүнлэгийн ухааны чиглэлээр Хятадын засгийн газрын болон Өвөр Монголын өөртөө засах орны тэтгэлгээр амжилттай суралцаж ирсэн бөгөөд монгол оюутнуудад хамгийн ээлтэй, дасан зохицоход хамгийн амар сургуулиудын нэг юм.
Read More